OBXECTIVOS

A Asociación de Empresarios de Artes Gráficas de Galicia é unha organización de carácter empresarial fundada en decembro de 1990 para mellora-la defensa dos intereses do gremio e avanzar no logro dun sector gráfico galego competitivo e exemplar. Na actualidade reune a un total de 166 empresas asociadas, das que 16 son firmas de provedores en calidade de socios colaboradores.

A Asociación ten, entre outros, como fins primordiais, os seguintes:

• Representar, xestionar e defender os intereses económico-sociais e profesionais dos seus membros.
• Realizar as accións necesarias para facilita-la formación profesional e a innovación tecnolóxica.
• Coordinación e unión de forzas fronte a problemas comúns.
• Creación e mantemento de servicios propios de interés común para os seus membros.
• Negociar acordos, en representación das empresas dos asociados con organismos públicos e privados.
• Informar ós asociados en cantas materias afectan ó desenvolvemento orgánico e profesional dos mesmos.
• Facilitar datos, informes e estudios sobre temas de interese común para os empresarios do sector.
• Relacionarse con outras organizacións empresariais, nacionais e extranxeiras.